काठमाडौं ,२३ भाद्र ,२०८३ नेपाली कांग्रेसले १५औँ महाधिवेशनअन्तर्गत वडा तहदेखि केन्द्रीय महाधिवेशनसम्मको कार्यतालिका सार्वजनिक गरेको छ। कांग्रेस केन्द्रीय निर्वाचन समितिका संयोजक प्रेमबहादुर खड्काले सार्वजनिक गरेको कार्यतालिकाअनुसार गाउँ–नगर वडा अधिवेशनदेखि केन्द्रीय महाधिवेशनसम्मका विभिन्न चरणका निर्वाचन तथा अधिवेशनको मिति तोकिएको हो। कार्यतालिकाअनुसार २०८३ असोज ३ गते शनिबार र ८ गते आइतबार स्थानीय अनुकूलताअनुसार देशभरका ६ हजार ७४३ वडामा वडा अधिवेशन सम्पन्न गरिनेछ। वडा अधिवेशनबाट वडा कार्यसमितिको निर्वाचनसँगै क्षेत्रीय प्रतिनिधि चयन गरिनेछ। त्यसपछि असोज ७ गते बुधबार गाउँ–नगरपालिका अधिवेशन तथा असोज १० गते शनिबार प्रदेशसभा...